Մեծ Բրիտանիայում նորածին Ջոշուա Օ՛Կոլագանի աղիները մարմնից դուրս են: Ծննդաբերությունից անմիջապես հետո բժիշկները վիրահատել են փոքրիկին: Ինչպես հաղորդում է The Daily Mail-ը, բժիշկները հայտնաբերել էին, որ փոքրիկը կունենա պաթոլոգիական արատ դեռ նրա ձևավորման փուլում, սակայն չէին կարողանում հստակեցնել, թե ինչպիսին այն կլինի:

Այն, որ փոքրիկի աղիները մարմնից դուրս են, բժիշկներն իմացել են միայն ծննդաբերության ընթացքում: Ջոշուայի կյանքի առաջին իսկ րոպեներին բժիշկները նրան վերցրել են հատուկ խնամքի և փոքրիկ վիրահատական միջամտություն են կատարել: «Մենք կարծում էինք, որ վիրահատությունից մի քանի շաբաթ հետո փոքրիկը կառողջանա և մենք նրան տուն կտանենք: Սակայն այդպես չեղավ»,- նշել է տղայի մայրը: